Skandali i bërë publik këto ditë në mediat sportive për gjendjen e mjerueshme që kishte kaluar kamerunasi Janot Tadjon, lojtar i Sopotit, është më i thellë dhe më skandaloz nga çfarë duket në fillim.
Pavarësisht justifikimeve që drejtuesit e Sopotit nxorën pas publikimit të lajmit, se lojtari është paguar dhe është ushqyer rregullisht në restorantin ku ushqehen të gjithë lojtarët e vërteta nuk është asesi kështu.
Nga burime konfindenciale brenda klubit të Sopotit mësohet se janë borxhet dhe mos korrektësia e deputetit të Librazhdit, Taulant Balla, arsyeja pse kamerunasi Janot dhe një pjesë tjetër e lojtarëve librazhdas kanë dalë në rrugë të madhe.
Sipas Syri.net, Balla prej 2 muajsh nuk kishte paguar asnjë kacidhe në restorantin ku lojtarët ushqeheshin. Prej muajsh ai mbante me premtime pronarin e lokalit se pagesën e parave do t’ia bënte shumë shpejt por pasi nuk e bëri, restoranti në fjalë nxori në rrugë të madhe lojtarët duke mos ju dhënë më ushqim.
Kështu kamerunasi dhe të tjerë ngelën ‘jetim’ dhe filluan të sajoheshin me ç’të mundnin ditët e mbetura.
Bëhet fjalë për muajin dhjetor kur edhe Janot tregon në rrëfimin e tij se ka jetuar vetëm me sanduiçët që i ofronte falas një piceri në lagje pasi restoranti i mbylli dyert për borxhet e pashlyera që Balla kishte.
Burimet brenda klubit që preferojnë të qëndrojnë anonime tregojnë se e njëjta histori ndodhi edhe në kompleksin sportiv në Pezë Helmes. Deputeti Balla edhe këtë kompleks sportiv mbeti disa miliona lekë pa paguar dhe kur pronarit të kompleksit ju sos durimi, lojtarët dolën në rrugë të madhe duke i zhvilluar ndeshjet në Fushë Krujë pasi vetëm atje deputeti mundi të sigurojë pa pagesë që ekipi jabanxhi i tij të mund të luante futboll.
Edhe në disa hotele në Librazhd dhe Elbasan ku ekipi librazhdas është akomoduar në disa raste, Balla në momentin kur duheshin dhënë lekët është larguar dhe ka lënë pa paguar bizneset, thonë burimet pranë klubit të Sopotit.
Duhet pritur edhe reagimi i deputetit Taulant Balla për të mësuar edhe versionin e tij për ngjarjet në fjalë….
“Dy javë përpara ndeshjes së fundit me Turbinën kam mbijetuar duke ngrënë çdo ditë sanduiç. Paratë që kisha grumbulluar, i shpenzova në dy muajt e parë. Kam mbetur pa asnjë shpresë në Tiranë. Vazhdoj të jetoj vetëm falë zemërgjerësisë së disa miqve të mi, të cilët më sigurojnë vaktet e ditës. Kërkoj paratë e mia dhe asgjë më shumë”, deklaronte mes lotëve dy ditë më parë kamerunasi Janot Tadjon. (A.R/SHUPLAKA)
Discussion about this post