Ditmir Bushati, Ministri për Evropën dhe Punët e Jashtme, ndodhet në Selanik për takimin e Tretë Ndërministror mes Greqisë, Shqipërisë, Bullgarisë dhe Maqedonisë, i cili u mbajt më 3 dhe 4 maj 2018, me pjesëmarrjen e Ministrave të Jashtëm, të Brendshëm dhe të Infrastrukturës të katër vendeve.
Në këtë kontekst, ministri Bushati zhvilloi një takim me homologun e tij Grek Nikos Kotzias, me të cilin morën në shqyrtim ecurinë e paketës së dakordësuar mes palëve në Kretë dhe Korçë duke vlerësuar përmbylljen me sukses të një pjese të elementëve përbërës të saj dhe shprehën angazhimin për të vijuar me të njëjtin ritëm për të jetësuar zgjidhje të qëndrueshme për çështjet e rëna dakord.
Ministri i jashtëm grek, Nikos Kotzias ka deklaruar se janë afër zgjidhjes së të gjitha problemeve me Shqipërinë. Kjo deklaratë vjen pas një takimi që ka zhvilluar me Ministrin e Evropës dhe Punëve të Jashtme, Ditmir Bushatin.
“Ne jemi pranë zgjidhjes së të gjitha problemeve në marrëdhëniet tona me Shqipërinë”, ka qenë ku reagimi nga Ministria e Jashtme Greke në një postim në Twitter.
(M.Q/Faxweb)
Discussion about this post