Pas takimit me krerët e partive opozitës jashtë parlamentit dhe më pas me ish-presidentin Rexhep Mejdani, sot kreu i shtetit, Ilir Meta pritet të takohet dhe me ish-presidentët Alfred Moisiu, Bamir Topi dhe Bujar Nishani.
Ditën e djeshme kreu i shtetit takoi ish-presidentin Rexhep Meidani ku u shpreh se ky takim u zhvillua për të diksutuar lidhur mer zhvillimet më të fundit në vend dhe rëndësinë e zgjidhjes së krizës së rëndë politike dhe institucionale.
“Së bashku me ish-Presidentin, Prof.Rexhep Meidani diskutuam sot për zhvillimet më të fundit në vend dhe rëndësinë e zgjidhjes së krizës së rëndë politike dhe institucionale.”- shkruante Meta, duke mos dhënë më tepër detaje rreth takimit.
Ditën e djeshme presidenti Ilir Meta priti në zyrën e tij përfaqësues të trupës diplomatike, ekspertë të çështjeve zgjedhore si dhe krerët e partive opozitare në koalicion me Partinë Demokratike ku u diskutua për dy çështje më rëndësi, ajo e ngërçit me Gjykatën Kushtetuese dhe plani për hartimin e Reformës Zgjedhore.
Pas takimit kreu i PD-së Lulzim Basha, theksoi rëndësinë e zgjedhjeve të parakohshme të përgjithshme dhe vendore në të njëjtën ditë, e për këtë kujtoi edhe shembullin e Maqedonisë së Veriut.
(M.Q/Faxweb.al)
Discussion about this post