Pas takimit me presidentin e vendit, Bujar Nishani, kreu i opzitës ka shkuar të takojë Sali Berishën.
“Zgjedhje pa opozitën nuk ka. Shqipëria do të çlriohet njëherë e mirë nga krimi. Nuk do të vendoset as monizmi as në Kavajë as në Shqipëri. Nuk do të ketë proces votimi monist, Shqipëria do të çlirohet nga diktatura e komunizimit.”, u shpreh Basha pas takimit me Nishanin.
Duhet të sjellim në vëmendje që më herët Lulzim Basha ka qenë në një takim me drejtuesit e PD-së në rrethe. Ndërkohë që te çadra e opozitës po diskutohej nga deputetët në lidhje me problematika të ndryshme të qytetarëve Basha dhe drejtuesit lokalë janë takuar në Selinë e PD-së.
Nga ky takim është vendosur që protesta e opozitës të përshkallëzohet duke filluar nga data 6 dhe 7 maj, kur do të jenë dhe zgjedhjet lokalë në Kavajë.
Ndërkohë përshkallëzimin e protestës e njoftoi nga çadra dhe ish-kryeministri Berisha, i cili nuk ka kyrsyer dhe një thirrje të fundit për Ramën.
‘’I themi Edi Ramës mos guxo të shkosh në zgjedhje sepse do kesh fundin total që meriton me duart e tua. Duhet të jesh i bindur se ata që nuk të lejojnë të japësh dorëheqjen nuk kanë asnjë hall tjetër vecse milionave që kanë vjedhur. Ata do ia mbathin sic bëri Gramoz Ruci në ’96-ën. Mos imagjino se mund të shkosh në zgjedhje duke përvetësuar votën e shqiptarëve, mjerë tip o vazhdove në këtë rrugë’’, deklaroi Berisha. (J.V/Shuplaka)
