Mbrëmjen e kaluar në stadiumin e Arsenal luajtën Chris, Joe dhe Matt Willock, të tre vëllezër, por që luanin për skuadra të ndryshme, shkruan “SPORTBible”.
Nga minuta e parë ndeshjen Arsenal-Manchester United të U-23 e nisën Chris e Matt, por nga minuta e 46-të hyri në fushë edhe Joe duke e çuar në 3 numrin e futbollistëve që mbanin mbiemrin Willock në fanellë.
Matt që luan si qendërmbrojtës tek Manchester United ka treguar pas ndeshjes historinë e tij se si u nda nga vëllezërit.
“Me Arsenalin aktivizohesha kur isha një nxënës shkolle, por kur mbusha 15 vjeç më duhej të largohesha. Kështu kalova disa sprova tek Reading dhe Sunderland. Përfundova duke firmosur për United. Ishte një zhgënjim i madh kur ika nga Arsenal por këtu po punoj mirë”,-tha ai.
Edhe më parë ka patur raste kur dy vëllezër janë përballur në një ndeshje futbolli, ku veçohet rasti i vëllezërve Boateng dhe Xhaka, por nga mbrëmë për herë të parë ky numër shkoi në 3. (M.D/Shuplaka)
