Është rikthyer Teatri Kombëtar pranë publikut pas një periudhe pauze për shkak të të ftohtit. Ditën e enjtë në orën 19:00 do të ngjitet në skenë kryevepra “Opera për 3 grosh” e autorik çek Vaclav Havel, e cila do të shfaqet për katër ditë me rradhë.
“Teatri Kombëtar ju fton të ndiqni kryeveprën e autorit çek, Vaclav Havel, “Opera për 3 grosh”. Vjen pranë jush në datat 19-20-21-22 Janar ora 19:00, me lojën brilante të aktorëve të njohur të skenës, si: Arben Derhemi, Alfred Trebicka, Vasjan Lami, Adelina Muca, Olta Gixhari, Laura Nezha, Niada Saliasi, Lulzim Zeqja, Eva Alikaj, Erjona Kakeli, Anila Bisha, Rajmonda Bulku, Arjola Basho, Julinda Emiri, Gert Ferra, Genti Decka, Gent Hazizi, Igli Zarka, Xhuliano Brisku. Regjisor: Mehmet Xhelili Skenograf: Genc Shkodrani Kostumografe: Anila Zajmi”, thuhet në njoftimin zyrëtar të Teatrit Kombëtar.
Teatri Kombëtar kishte njoftuar se sezonin artistik për vitin 2017 do ta çelte këtë muaj me kryeveprën “Opera për tre grosh” nga autori Vaclav Havel. Kjo shfaqje që u dha premierë dhjetorin që kaloi do të rikthehej në skenën e Teatrit Kombëtar në datën 12 janar për të vijuar dhe më 13, 14 dhe 15 të këtij muaji. Por për shkak të gjendjes, që ka sot teatri me shumë probleme për sistemin e ngrohjes kjo shqaqje do të bëhet në datën 19 janar.
Vetëm një javë më parë Teatrit Kombëtar ka bërë me dije se për shkak të motit të ftohtë dhe në pamundësi për të punuar kaldaja që ekziston në teatër kjo shfaqje u shty për publikun.
“Teatri Kombëtar ju njofton se për shkak të temperaturave shumë të ulëta të këtyre ditëve, ngrica ka prekur tubacionet që furnizojnë me ujë kaldajën e teatrit duke e bërë të pamundur funksionimin e saj. Për këtë arsye shfaqjet e programuara për datat 12-13-14-15 Janar nuk do të jepen”, thuhen në njoftimin. (J.V/Shuplaka)
Discussion about this post