Si çdo vit edhe këtë herë ‘’Kënga Magjike” u shoqërua me polemika të shumta nga vetë artistët. Duke qenë se është një kompeticion i bazuar kryesisht te votimet mes kolegëve, kjo bën që me tyre të ketë edhe përplasje dhe pakënaqësi që hera herës bëhen edhe publike.
Fituese në këtë vit u shpall Anxhela Peristeri në një garë të fortë me Elhaida Danin dhe Fifin, dhe nga ana tjetër shumë emra të njohur mbetën jashtë finales. Po kush ishte e preferuara e vetë Arditit?!
Si asnjëherë më parë, teksa kishte ftuar finalistët te emisioni i tij, Arditi nuk ka duruar dhe ka treguar këngën e tij të preferuar të këtij edicioni.“Kënga ime e preferuar është kënga jote. Sa herë e dëgjoj më mbushen sytë me lot”, i tha Arditi këngëtares Egzona Ademi.
Gjebrea u shpreh se në prapaskenë ishte shumë i emocionuar kur Egzona ishte duke kënduar, por nuk e shfaqi veten pasi të gjithë do mendonin se ai po favorizonte Egzonën.”Fakti që kënga ime është e preferuara juaj për mua do të thotë gjithçka”, u shpreh Egzona shumë e lumtur.
(E.K/FAXWEB)
