Presidenti i Serbisë Aleksandar Vuçiç, do të ketë gjatë ditës së sotme një vizitë në Kosovë. Presidenti mes të tjerave do të takojë dhe serbet e Kosovës.
Vizita e tij vjen pas disa ditësh tension, shkaktuar pas vrasjes së Oliver Ivanoviçit. Serbia hodhi akuza në drejtim të shtetit të Kosovës, ndërsa autoritetet kosoivare nga ana e tyre shprehën gadishmërinë për zbardhjen e plotë të ngjarjes.
Rreth orës 10:30 Aleksandar Vuçiç do të vizitojë manastirin Banjska.
Rreth orës 11:30 do të ketë takim me përfaqësuesit serbë në Kosovë, në Fakultetin Teknik në Mitrovicën e Veriut.
Rreth orës 17:00 do të ketë takime me qytetarë në Shtëpinë e Kulturës në Llapnasellë.
Ministria e Punëve të Jashtme të Kosovës, ka miratuar më 17 janar kërkesën që Vuçiç të vizitojë Kosovën.
(E.K/FAXWEB)
Discussion about this post