Lorik Cana i dha ditën e djeshme lamtumirën Kombëtares Shqiptare. Ish-kapiteni vendosi të jap lamtumirën, duke luajtur në ndeshjen e fundit me Italinë, e cila u mbajtë në stadiumin ‘Loro Boriçi’ në qytetin e Shkodrës.
Ditën e sotme ish-kapiteni Cana me anë rë një mesazhi ka falënderuar të gjithë njerëzit që ai ka bashkëpunuar në 14 vite me karrierë. Po ashtu dhe një urim për të gjithë shqiptarët dhe për atdheun tonë.
“Të nderuar miq vëllezer e motra, do të kisha shumë dëshirë të gjej fjalët dhe mënyrën për të shprehur mirënjohjën time të thellë për të gjithë juve që keni qenë pjesë e rrugëtimit tim dhe karierës sime si futbollist, duke filluar nga familja ime e mrekulluëshme , miqtë e mij, bashkëlojtarët, trajnerët, bashkpunëtorët, tifozët dhe çdo Shqiptar, për respektin, dashurinë dhe forcën që më keni dhuruar gjatë gjithë këtyre 14 viteve te karrierës sime sportive. Ndihem krenar, i lumtur dhe me fat që ju kam pasur gjithmonë afër meje . Zoti ju rujt juve dhe familjet tuaja dhe Zoti bekoft Atdheun tonë te dashur.
FALEMINDERIT për gjithë Juve.
Me respekt,
I Juaji Loriku”, shkruan Cana. (S.SH/Shuplaka)
