‘’Veganë, vegjetarianë apo mishngrënës? Çfarë ndodh me organizmin tonë nëse heqim mishin dhe bulmetin?
A është organizmi ynë po aq i shëndetshëm edhe nëse ushqehemi vetëm me jeshillëqe? ‘’, kjo ishte tema e mbrëmshme në emisionin e Alban Dudushit.
Ndër të ftuarit padyshim që nuk mund të mungonte Sazan Guri, i njohur për ‘’dashurinë’’ e tij për natyrën, ambjentin dhe ushqyerjen e shëndetshme.
Kujtojmë se vetëm dy disa ditë më parë Guri vendosi që të tërhiqej nga listat e PD-së për deputetë në qarkun e Beratit.
Po ajo që ai ka deklaruar në emsision ka bërë të shpërthejnë në të qeshura të gjithë të pranishmit. Guri ka deklaruar se nëse njerëzit heqin dorë nga ngrënia e mishit dhe jeta e tyre seksuale do të jetë më e gjatë.
‘’Aleksandri i madh kur bënte betejat kuptonte që kali ngrihej për tre orë, ndërsa ushtarët për tre ditë. Aty e kuptoi ai që kjo kishte të bënte me ushqyerjen me tagji të kalit. Këto që ha njeriu zarzavati, frutat kanë energji diellore, madje dhe jeta seksuale është më e gjatë, ska ndryshim nga 20-vjeç në 60-vjeç’’, u shpreh Guri.
Nuk kanë munguar as reagimet e Albanit i cili i ka thënë se po e bënte kuriozë me këto deklarata. (E.K/SHUPLAKA)
