Familja e Shaqir Sherifit në Shkozet të Durrësit, jeton si mos më keq ku pas tërmeteve që kanë rënë në Shtator dhe dëmtimeve që ka marrë banesa e tyre, tashmë që kanë filluar reshjet, ‘notojnë’ nëpër ujërat që janë future brenda.
Zonja e shtëpisë bën apel për ndihmë ndërsa shprehet se ka kërkuar mbështetje por asnjë përgjigje nuk ka marrë deri më tani. Vlen për tu theksuar se në Shkozet ndodhen në të njëjtë situatë dhjetra familje.
“Më kanë thënë që duhet leje banimi për ta rregulluar banesën, por unë nuk kam leje. Burrin e kam të sëmurë sapo e kemi nxjerr nga spitali nuk kemi asnjë lloj mundësie për të kontrolluar situatën. Rënia e mureve është shkaktuar nga tërmeti, uji futet i gjithi brenda. Kemi kërkuar ndihmë gjithandej nuk bëhet asgjë. Janë prishur edhe ato pak orendi të vjetra që kemi, çdo gjë ka dalë jashtë funksionit nga futja e ujit brenda. Nuk kam asnjë zgjidhje se si ta përballoj situatën”, tha ajo për Fax News.
(F.GJ/FAXWEB.AL)
