Pas thirrjes së ambasadës amerikane për qytetarët e saj, presidenca qetëson SHBA-në: Çfarë do të ndodhë në tubimin 2 Marsit

Zëdhënësi i Presidentit Ilir Meta Tedi Blushi ka reaguar menjëherë pas thirrjes së ambasadës amerikanë për qytetarët e saj që jetojnë në Shqipëri të shmangin zonat ku do mbahet manifestimi i thirrur nga Presidenti Ilir Meta më 2 mars.

Presidenca bën të ditur se në manifestim do të jenë të pranishëm 200 shqiptaro-amerikanë të cilët do ti bashkohen tubimit, ndërkohë që shton se do të jetë një manifestim paqësor.

Po ashtu Blushi bën me dije se sot paradite presidenti Meta ka pritur në takim drejtuesit e lartë të Policisë së Shtetit, duke u konfirmuar bashkëpunimin maksimal të Institucionit dhe të tij, për mbarëvajtjen e këtij Manifestimi madhështor Mbarëkombëtar në mbrojtje të Kushtetutës dhe demokracisë!

Presidenca saktëson se çdo detaj është i mirëpërcaktuar me kohë: Manifestimi fillon në ora 17.00, me flamuj kuqezi dhe mimoza në duar, e përfundon në ora 19.00. Godina e Kryeministrisë dhe Ministrisë së Brendshme do të mbrohen nga aktivistë të identifikuar. Shtetasve të huaj, veçanërisht atyre shqiptaro-amerikanë???? që do të marrin pjesë do t’u dhurohet një degë mimoze dhe një Kushtetute e Shqipërisë, e votuar me 140 vota dhe me bekimin e Komisionit të Venecias, SHBA-ve dhe BE-së.

Reagimi i Tedi Blushit

Asnjë alert për datën 2 mars, për qytetarët shqiptarë dhe të huaj që jetojnë dhe do të mbërrijnë në Tiranë!
Përkundrazi, jemi shumë të lumtur që këtij Manifestimi madhështor Mbarëkombëtar do t’i bashkohen edhe mbi 200 shqiptaro-amerikanë????, të cilët na kanë konfirmuar pjesëmarrjen në 2 mars dhe një pjesë e të cilëve sapo kanë mbërritur në Atdhe.
Dhe me të drejtë, sepse për liritë dhe vlerat amerikane, ata nuk mund t’i marrin leje as Rilindjes dhe as ndonjë segmenti të Sigurimit të Shtetit, kudo që ai të ndodhet!
Gjithashtu, mund t’ju konfirmoj se sot paradite Presidenti Meta me kërkesën e tij ka pritur në takim drejtuesit e lartë të Policisë së Shtetit, duke u konfirmuar bashkëpunimin maksimal të Institucionit dhe të tij, për mbarëvajtjen e këtij Manifestimi madhështor Mbarëkombëtar në mbrojtje të Kushtetutës dhe demokracisë!
Çdo detaj është i mirëpërcaktuar me kohë.
Manifestimi fillon në ora 17.00, me flamuj kuqezi dhe mimoza në duar, e përfundon në ora 19.00.
Godina e Kryeministrisë dhe Ministrisë së Brendshme do të mbrohen nga aktivistë të identifikuar.
Shtetasve të huaj, veçanërisht atyre shqiptaro-amerikanë???? që do të marrin pjesë do t’u dhurohet një degë mimoze dhe një Kushtetute e Shqipërisë, e votuar me 140 vota dhe me bekimin e Komisionit të Venecias, SHBA-ve dhe BE-së.
Alerti i vetëm i 2 marsit, është për puçistët që tallen me Kushtetutën dhe sovranitetin e popullit shqiptar duke miratuar apo bekuar pabesisht ligje anti-kushtetuese!
Të gjithë më 2 mars për Kushtetutën dhe kundër grushtit të shtetit.
Për Shqipërinë dhe sovranitetin e popullit shqiptar!
Zoti e bekoftë miqësinë e palëkundur shqiptaro-amerikane! ?????
Pa Kushtetutë nuk ka demokraci!
Pa demokraci nuk ka Shqipëri!

#PërKushtetutën?? #PërRepublikën?? #PërShqipërinë?? #PërKombin??