Edhe në Berat, policia rrugore ka nënshtruar një sërë kontrollesh ndaj shoferëve dhe mjeteve të parregullt në rrugë, teksa raporton se në 24 orët e fundit janë arrestuar 4 shtetas,, të cilët akuzohen se kanë drejtuar mjetet e tyre pa patentë, duke u bërë kështu rrezik për aksidente.
Njoftimi i plotë:
Berat
Arrestohen në flagrancë 4 shtetas, për veprën penale “Drejtimi i mjetit në mënyrë të parregullt”.
Policia Rrugore e Beratit ka intensifikuar kontrollet në të gjitha akset rrugore të qarkut, me qëllim evidentimin dhe ndëshkimin e drejtuesve të mjeteve dhe motomjeteve që shkelin rregullat e Kodit Rrugor dhe bëhen rrezik për aksidente.
Si rezultat i këtyre kontrolleve, gjatë 24 orëve të fundit janë arrestuar në flagrancë shtetasit S. L., 36 vjeç, banues në fshatin Kozare, Kuçovë, H. M., 56 vjeç, banues në fshatin Kozare, Kuçovë, Ç. K., 49 vjeç, banues në Dimal dhe S. D., 41 vjeç, banues në Berat, pasi u kapën nga shërbimet e Policisë duke drejtuar motomjetet e tyre, pa leje drejtimi.
Materialet i kaluan Prokurorisë së Rrethit Gjyqësor Berat, për veprime të mëtejshme.
