Kryeministri Edi Rama në një prezantim të nismës së re qeveritare për punësimin e qytetarëve, ka thënë se qytetarët duhet të heqin dorë nga dalja në televizor kur janë në kushte vështirësie ekonomike por të regjistrohen tek zyrat e punës.
Rama tha se marrja e lëmoshës të “çburrëron”, prandaj zgjidhja duhet të jetë tek aftësimi i njerëzve të pakualifikuar.
“Përsëritja e ciklit të lëmoshës të përjashton nga rrethi i mundësive që ka Shqipëria për të përparuar. Të çburrëron. Në vend që të dilni në televizor, drejtohuni në zyrat e punës siç janë drejtuar të tjerët përpara nesh dhe regjistrohuni për punë. Dhe nëse nuk keni aftësit për punë drejtohuni në qendrat e trajnimit profesional duke marrë 55 mijë lekë për trajnim. Pastaj kur të shkoni te zyrat e punës të jeni të papunë por që keni një aftësi”, tha Rama.
(F.G/Faxweb.al)
