Ndërkohë që bëhen përgatitjet për funeralin e Fidel Kastros, ish- presidentit kubanez, një zyrtar i lartë në Miami na parapregatit për një tjetër ndodhi: “Rritjen e emigracionit”.
Bëhet fjalë për inspektorin e shkollave publike në Miami, Albert M.Carvalho. Ai njofton se rajoni po bëhet gati për të përballuar “një fluks të mundshëm të ardhjes së nxënësve të vegjël edhe të rritur pas vdekjes së Kastros”.
“Ne jemi të gatshëm për të punuar me subjektet shtetërore dhe federale, në mënyrë që të sigurojmë mbështetjen e duhur dhe të nevojshme për të ofruar shërbime arsimore për të gjithë ata që mund të vijnë në komunitetin tonë”, tha Carvalho të shtunën.
Akoma nuk është e qartë se si vdekja e Fidel Kastros do të nxisë emigrimin nga ishulli. Megjithatë, një numër i konsiderueshëm emigrantësh janë nisur për në Shtetet e Bashkuara të Amerikës.
