Duket se pas vendimit të Kryetarit të Bashkisë së Tiranës Erion Veliaj për të rritur çmimin e ujit në kryeqytet, i njëjti vendim është marrë edhe nga Vangjush Dako në qytetin e Durrësit.
Majde tarifat pritet të jenë edhe më të larta se Tirana. Vendimi për rritjen e çmimit hyn në fuqi me 1 shtator dhe do të zgjasë për 4 vite.
Sipas vendimit të Entit, rritja më e madhe është për konsumatorët familjare për të cilët një metër kub ujë do të kushtojë 70 lekë nga 61 lekë që ishte. Ndërkohë për bizneset dhe sektorin publik rritja është 5 lekë për metër kub. Paralelisht fatura e ujit ka pësuar rritje edhe për pjesën e kanalizimeve.
Për familjarët tarifa shkon nga 37 lekë për metër kub në 50 lekë/m3. Rritje më të moderuar ka dhe për biznesin dhe sektorin publik. Njëkohësisht çdo klient do të paguajë 100 lekë në muaj si tarifë fikse. Këto tarifa kanë si objektiv sipas Entit Rregullator të Ujit, uljen e humbjeve, një furnizim për 7 orë e gjysmë në ditë me ujë dhe rritjen e arkëtimeve.
Ndryshimi i tarifave i miratuar nga Enti Rregullator i Ujit
Tarifat e furnizimit me ujë Bashkia Durrës:
Konsumator familjar ishte: 61 lekë/m3; bëhet: 70 lekë/m3
Konsumator publik ishte: 115 lekë/m3; bëhet: 120 lekë/m3
Konsumator privat ishte: 125 lekë/m3; bëhet: 130 lekë/m3
Tarife fikse 100 lekë në muaj
Tarifat e largimit të ujërave të ndotura Bashkia Durrës
Konsumator familjar ishte: 37 lekë/m3; bëhet 50 lekë/m3
Konsumator publik ishte: 54 lekë/m3; bëhet 60 lekë/m3
Konsumator privat ishte: 56 lekë/m3; bëhet 60 lekë/m3
(E.K/SHUPLAKA)
Discussion about this post