Deputeti Vladimir Kosta kritikon sot Partinë Demokratike lidhur me ankimimet apo paditë e mundshme që mund të bëjë, pas shpalljes së vendimit nga Gjykata Kushtetuese për ”Vettingun”.
Sot gjykata rrëzoi kërkesën e PD-së, ndërsa Kosta thotë se kjo tregon se gjykata u vendos në krahun e duhur.
”Gjykata Kushtetuese dha sot vendimin e duhur për ligjin e Vetting-ut. Ky vendim hap një fazë të re të drejtësisë në vend dhe çel rrugën e Reformës në Drejtësi.
Gjykata u vendos sot në krahun e interesave të vendit. SHBA, BE dhe gjithë qytetarët janë pro kësaj reforme. Ankimimet dhe paditë janë tentativa për të bllokuar jo thjesht reformë, por gjithë proceset integruese të vendit.
Kur flet drejtësia të gjithë duhet të heshtin. Duhet të heshtë edhe Partia Demokratike dhe të ndalojnë lojën me paditë e tjera.”, apelon Kosta, kritikues i ashpër edhe i Partisë Socialiste të cilës i përkiste. (V.G/SHUPLAKA)
Discussion about this post