Prokuroria ka apeluar çështjen për pafajësine e kreut të Partisë Demokratike Lulzim Basha në lidhje me falsifikimin e dokumentave dhe formularëve lidhur me kontratat e lobimit në Shtetet e Bashkuara të Amerikës në shumën e 675 mijë dollarë.
Prokurori Kolë Hysenaj dorezën në Apel ankimin e vendimit të Gjykatës së Shkallës së Parë. Në datë 30 janar ishte afati i fundit për dorëzimin e ankimit.
Pak javë më parë Gjykata e Tiranës pushoi çështjen për kreun e PD-së, Lulzim Basha si dhe zyrtarët e PD-së, Arben Ristani dhe Ilir Dërvishi, pasi u akuzuan për e falsifikimin e formularëve, lidhur me kontratat e lobimit në Shtetet e Bashkuara të Amerikës në shumën e 675 mijë dollarë.
Gjyqtari i çështjes Lazer Sallaku, i caktuar me short si gjyqtar paraprak, duhet të vendoste për dërgimin e dosjes në gjyq, kthimin e saj për rihetim apo pushimin e saj. Duke dëgjuar për më shumë se 2 orë argumentat dhe faktet nga të dyja palët, Sallaku vendosi për pushimin e çështjes për mungesë provash.
Në një deklaratë për mediat, pas përfundimit të seancës gjyqësore, ish-sekretari i përgjithshëm i PD-së, Ristani tha se gjykata pushoi çështjen pasi nuk ekzistonin fakte dhe se veprimet e kryera nga ata ishin të bazuara në ligj.
Sipas Ristanit e gjithë çështja është një akuzë e montuar politikisht, kjo referuar edhe qëndrimit të mbajtur nga Prokuroria.
“Gjykata vendosi të pushojë çështjen sepse fakti nuk ekziston, veprimet e kryera janë të bazuara në ligj dhe për këtë gjykata vendosi të pushojë gjykimin e kësaj çështje.
Prokuroria u paraqit me dy qëndrime: Një të kthehej çështja dhe një që çështja të shkonte në gjyq. Një organ i çorganizuar me disa qëndrime. Është një akuzë e montuar politikisht edhe për shkak të qëndrimit të mbajtur nga prokuroria. Unë e kam deklaruar që sado të ndikojnë të drejtësia do ketë njerëz që do japin drejtësinë që i mungon këtij vendi”.
Discussion about this post