Presidenti i vendit Ilir Meta ka zbardhur detaje nga takimi me ambasadoren amerikane Yuri Kim, e cila zbarkoi rreth orës 10 të mëngjesit të sotëm në zyrën e presidentit.
“I kënaqur të prisja dhe të pranoja Letrat Kredenciale të Ambasadores së re të SHBA, znj.Yuri Kim.
SHBA një partner strategjik, i pazëvendësueshëm për Shqipërinë.
Së bashku të përballojmë me sukses sfidat që ka vendi.
Zoti e bekoftë miqësinë shqiptaro-amerikane!”- shkruan Meta në Facebook.
Ndërkohë gjatë mesditës së sotme, Kim pritet që të mbajë dhe fjalimin e saj të prezantimit në ambientet e ambasadës amerikane në Tiranë.
“Ndihem e nderuar dhe shumë e kënaqur që jam në Shqipëri dhe jam gati t’i përvishem punës”, ishin fjalët e Ambasadores së Shteteve të Bashkuara të Amerikës në ditën e saj të parë në Ambasadë.
Pasaardhësja e Donald Lu, zonja Youri Kim ka shërbyer në Departamentin e Shtetit si Drejtore e Zyrës së Çështjeve të Evropës Jugore.
Ka qenë drejtoreshë e Qendrës së Departamentit të Shtetit për Studimin e Diplomacisë, Shefe e Stafit për Zëvendëssekretarin e Shtetit dhe Drejtore e Zyrës për Sigurinë Evropiane dhe Çështjeve Politiko-Ushtarake.
Discussion about this post