Pas vrasjes së gjyqtares, Fildes Hafizi nga ish-bashkëshorti i saj ditën e sotme në kryeqytet, ka reaguar deputetja e LSI-së Klajda Gjosha.
Gjosha shkruan se kjo është një kambanë të fortë alarmi ngjarjen, duke ngritur pikëpyetje nëse ka siguri jeta e dhjetëra grave të dhunuara kur jeta nuk i garantohet as një gjyqtareje. Deputetja thotë se shteti duhet të zgjohet sa më shpejt nga gjumi.
“Cfarë po ndodh në këtë vend? Një grua, një nënë, vritet në mes të kryeqytetit. Ajo çka ndodhi sot, është një këmbanë e fortë alarmi! Kur nuk mund të garantohet jeta e një gjygjtareje, cfarë sigurie mund të kenë sot dhjetra gra që dhunohen e kërcënohen? Sa kurajo gjen në këtë vend një burrë për të vrarë gruan e tij, në mes të kryeqytetit, në mes te ditës! Forca e ligjit duhet t’i kishte dhënë një zgjidhje edhe këtij fenomeni, por sërish tepër vonë për jetën e nënës së dy fëmijëve të mitur! Uroj që familja të gjejë forcë për të përballuar dhimbjen dhe shteti të zgjohet sa më parë nga gjumi i thellë!”Shkruan Gjosha.
(S.SH/Shuplaka)
Discussion about this post