Policia e Durrësit pas aksionit të madh që zhvilloi pak më parë në Portin e Durrësit ka vënë në pranga 4 persona. Të katër këto persona janë drejtues të automjeteve të vogla.
Fax News ka siguruar momentin e arrestimit të 2 prej tyre, të cilët shoqërohen nga forca të shumta policie.
Burime nga policia e Durrësit thanë se nën sitën e kontrollit do të kalojë cdo automjet, kamion apo kontenjer që ndodhet në port.
Operacioni në portin e Durrësit vjen një muaj pas kapjes së 137 kilogramë kokainë të fshehur në një kontenjer me banane.
18 fugona policie mbërritën në Portin e Durrësit, pasi fillimisht u raportua se në 2 kontenierë dyshohet se ka lëndë narkotike, armë dhe mallra kontrabandë.
Dhjetëra policë të Policisë Kriminale kanë nisur kontrollet në kontenierët e dyshuar, ndërsa Fax News ka ndjekur live këtë operacion në portin më të madh në vend.
Ndërkohë policia ende nuk ka dhënë asnjë deklaratë në lidhje me operacionin që po zhvillohet në Portin Durrësit.
Kujtojmë se një ditë më parë dha dorëheqjen dhe drejtori i Portit të Durrësit, Agron Tare.
Në një postim në FB Tare e argumentoi largimin e tij për arsye personale, ndërsa përshëndeti në fund dhe me një shprehje në italish: Ciao tutti, belli e brutti!
