I la stafetën për drejtimin e LSI, Vasili me fjalët më të mira vlerëson Kryemadhin. Ai shprehet se ajo i ka të gjitha cilësitë që i duhet për detyrën e lartë në të cilën është zgjedhur.
Vasili vlerëson lart këmbënguljen dhe kreativitetin e spikatur të Kryemadhit dhe se LSI do të eci shumë përpara e te rritet pa u ndalur.
“Monika Kryemadhi mishëron cilësitë më të shkëlqyera për këtë detyrë të lartë.
Me ritmin, energjinë, këmbënguljen dhe kreativitetin e spikatur, Monika është një lidere e lindur dhe LSI, nën drejtimin e saj, do të vazhdojë të eci shumë përpara e te rritet pa u ndalur”, shkruan Vasili.
Kujtojmë se menjëherë pas zgjedhjeve të 25 Qershorit, Vasili paraqiti dorëheqjen përpara Kryesisë së LSI-së duke u shprehur se kalimi në opozitë kërkon energji të reja, që i gëzon Kryemadhi.
Ditën e djeshme në Konventë përballë Kryemadhit nuk u paraqit ndonjë kandidat tjetër dhe me votim ajo u zgjodh në Krye të LSI-së. (E.K/SHUPLAKA)
Discussion about this post