Ministri i Punëve të Brendshme Dritan Demiraj, i cili sot ka qenë vetë në terren në kodrat e fshatit Ibë, atje ku zjarrfikësit po luftonin për të shuar flakët e zjarrit, ka folur vetë për ngjarjen.
Pasi ka monitoruar masat e strukturave të Emergjecave Civile gjatë ndërhyrjes për izolimin dhe shuarjen e zjarrit masiv që rrezikonte disa banesa në Ibë të Tiranës, Demiraj u ka bërë apel qytetarëve që të kenë kujdes maksimal në parandalimin dhe sinjalizimin e zjarreve që cënojnë sigurinë Kombëtare.
Sakaq, ministri teknik Demiraj paralajmëron se piromanët do të ndiqen rreptësisht dhe dënimet do të jenë të ashpra.
REAGIMI I PLOTË I DEMIRAJT
Te nderuar miq!
Temperaturat e larta që janë shënuar gjatë ditëve të fundit në vendin tonë, kanë shtuar dukshëm mundësinë e përhapjes së zjarreve nëpër pyje përfshirë edhe pyjet në Parqet Kombëtare. Ngjarja e pasdites ne kodrat e Ibes ne Tirane ishte shume e rrezikshme per banoret dhe shtepite e tyre. Situata eshte nen kontroll dhe po punohet per fikjen e plote te vatrave te zjarrit.
Ministria e Brendshme, emergjencat civile, sherbimet zjarrfikese, forcat e armatosura, Viva Copter, pushteti lokal, etj po punojne me intensitet.
Me këtë rast apelojmë të gjithë qytetaret të kenë kujdes maksimal në parandalimin dhe sinjalizimin e zjarreve qe cenojne sigurine Kombetare.
Piromanet do te ndiqen rreptesisht dhe denimet do te jene te ashpra, sipas ligjit.
I bej thirrje dhe banoreve qe te kontribojne gjithashtu ne lajmerimin, kontributin dhe vendosjen e zjarreve nen kontroll. (D.D/Shuplaka)
