Lori Hoxha ndodhet në Greqi së bashku me motrën e saj Sarën për pushime. Nëpërmjet postimeve në rrjetet sociale motrat shihen duke festuar ditët e fundit të beqarisë, së Sarës. Pasi shumë shpejt Sara Hoxha dhe Ledion Liço do kryejnë ceremoninë e martesës. Gjatë këtyre pushimeve, Lori ka postuar foto të ndryshme.
Por një komentuese i ka shkruar Lorit, duke e konsideruar një pasanike që nuk punon. Lori nuk ka duruar dhe ka replikuar duke i thënë që janë zgjedhjet e saj.
“Duke qenë se je një figurë publike, duhet ta plotësosh Instagramin me disa postime të tipit “kontribut për shoqërinë”, që të mos duket sikur je një ‘trust fund baby’ (pasanike që s’të duhet të punosh për të siguruar jetën) , gjithmonë me pushime dhe që pretendon se jeta nuk të ka rrahur më shumë se të tjerët,”- ka shkruar komentuesja.
Ndërkohë, Lori i ka kthyer:
“Gjëja që ka rëndësi dhe kontribuon për shoqërinë ndodh pas dyerve të mbyllura. Kështu që shijoji gjërat sipërfaqësore, pasi për këtë je këtu. Ti ankohesh për gjërat false por kjo është gjithçka që do të shohësh. Unë publikoj gjëra të mira dhe herë pas herë flas për diçka që besoj. Dhe e fundit por jo më pak e rëndësishmja, nuk kam çfarë t’i provoj asnjërit dhe as nuk dua”, i shkruan ajo.
Discussion about this post