Pas plagosjes së 47-vjeçarit me iniciale A.GJ. në qytetin e Lezhës, persona të paidentifikuar i kanë djegur edhe makinën
47-vjeçari, shofer autobusi u plagos në këmbë rreth orës 05:15 nga persona të pa identifikuar.
Shtetasi A.Gj. u plagos në këmbë u dërgua menjëherë në spital ku ndodhet jashtë rrezikut për jetën. Gjatë marrjes në pyetje në polici 47-vjeçari ka deklaruar se nuk i njihte agresorët.
Ndërkohë policia ka arrestuar një prej autorëve me emrin Gjovalin Voci, 40 vjeç.
Njoftimi i policisë:
Më datë 12.07.2017, rreth orës 02:30, është marrë njoftim se në Kalivaç në Lezhë, është djegur plotësisht një automjet.
Menjëherë në vendngjarje kanë mbërritur shërbimet policore që kanë konstatuar se është djegur automjeti furgon “Benz” në pronësi të shtetasit A.Gj. 47 vjeç, banues në Kalivaç, i cili ka qenë i parkuar në ambientet e banesës së shtetasit P.C. banues po në Kalivaç.
Nga veprimet hetimore të deritanishme rezulton që zjarrvënia të jetë e qëllimshme. Policia thotë se po punohet për identifikimin e kapjen e autorit. Ndërkaq materialet procedurale i kaluan Prokurorisë së Rrethit Gjyqësor Lezhë për veprën penale “Shkatërrim prone me zjarr”.
(S.SH./Shuplaka)
