Kryeministri Edi Rama pasi ka disa ditë që merret me dyshimet mbi lobimin rus të PD-së tashmë të dielën duket se ka ndryshuar pllakë.
Nëse hyn në profilin e tij në ‘’Facebook” ka dy deri në tre postime në ditë, në të cilat flet për interesa rus, i kërkon llogari Lulzim Bashës apo të tjera si këto.
Ndërkohë sot si për të dielë ai ka zgjedhur veç të tjerash që të promovojë një lokal që gjendet pranë banesës së tij në Surrel.
Nga pas duket edhe Zaho, i cili po vështron pamjen, ku mes oborrit të lokalit nuk mungon as pishina. ‘’Kopenhageni ka Noma, Londra ka Zuma, Roma ka Pergola, Tirona ka…po ama katuni jonë, Surreli, ka Rexhekri dhe s’ka si katuni jonë”, shkruan Rama bashkëngjitur fotos.
Në fakt ky postim i tij nuk është pritur mirë në një rradhë të madhe të ndjekësve, pasi theksohet fakti se shumë nga shqiptarët nuk e kanë mundësinë që të shijonë me fëmijët një drekë në lokale, ashtu siç po bën edhe kryeministri.
Po mesa duket kjo nuk e pengon liderin e vendit që përmes panoramës familjare, të na tregojë dhe faktin se e diela e tij është ndryshe nga ajo e shumicës së popullsisë.
(E.K/FAXWEB)
