Pasi iku drejt Amerikës, aktori nuk e fsheh mallin: Më mungon ‘Portokalli’

Erand Sojli, një nga aktorët më të dashur të humorit, ka qenë dje i ftuar në ‘Pasdite në Top Channel’.

Përveçse ka treguar disa detaje mbi projektin aktual me të cilin po merret, ka folur edhe për ‘Portokallinë’, spektaklin e humorit ku ka punuar edhe vetë kohë më parë.

I zhvendosur në Amerikë për shkak të punës, Erandi nuk lë pa përmendur se i mungon ajo skenë.

“Vazhdoj ta ndjek ‘Portokallinë’. Në Amerikë i bie të transmetohet në orar dreke. Mbaj mend kur më zgjodhën Agron Llakaj dhe Altin Basha. Unë nuk i shikoja dot ata që po më dëgjonin, por vetëm dëgjoja të qeshurën e Agron Llakajt”, -ka treguar ai i emocionuar.

(E.K/FAXWEB)