Ambasadorja e ShBA në vendin tonë, Yuri Kim ka zgjedhur një destinacion ndryshe për të shijuar këtë fundjavë. Pasi përfundoi pushimet në jug të vendit, kryediplomatja amerikane udhëtoi për në Veri që të shijonte natyrën përrallore që të qetëson mendjen.
Në disa fotografi nga Lëpusha, të cilat i ndau me ndjekësit në Instagram, Yuri shkroi: “Malësia e Shqipërisë është vërtet e bukur. Shpresoj të kthehem së shpejti”.
Rreth dy javë më parë, po shijonte pasditen me gratë e Dhërmiut duke shijuar momente si të ishte një shqiptare e lindur. Kim ndaloi për “kafe dhe raki”, ashtu sic preferojnë pjesa më e madhe e shqiptarëve dhe kaloi disa momente të këndshme ku dëgjoi histori të ndryshme.
“Shëtitje gjatë perëndimit në Dhërmi. Mësova se si po restaurohet qyteti. Ndalova për kafe dhe raki ndërkohë që po admiroja pamjen. Gratë që takova në shesh duken serioze në këtë foto, por ishin të shkëlqyera dhe me humor. Ato sollën liko, liker dhe treguan histori të këndshme.
Madje një zonjë më tregoi shtëpinë e saj dhe më pas më mbushi duart me fiq. Faleminderit njerëzve të Dhërmiut për mikpritjen dhe që më treguat zemrën tuaj të vërtetë prej shqiptari””, shkroi Kim.(A.M/Faxweb.al)
Discussion about this post