Prej kohësh ishte përfolur një shtatzëni e dytë e Amit, po vetëm dje vjen konfirmimi nga ana e një prej çifteve më popullore në vend.
Joeli do të bëhet me motër ose vëlla. Ende nuk dihet gjinia e bebit që është rrugës dhe as periudha e shtatzënisë në të cilën ndodhet Ami.
Çifti është njoftuar me publikimin e një foto të të dyve dhe një testi me dy viza, pra poztitiv. Nuk mungonte mbishkrimi ‘’së shpejti do të bëhemi katër”.
Sakaq menjëeherë pas lajmit në drejtim të tyre janë nisur urime të shumta dhe nga ana e të tjerë personazheve të njohur të ekranit. Sigurisht që disave prej tyre Ermali u ka kthyer dhe përgjigje, dhe skishte si të ishte ndryshe përrveçse me humor.
“Bravo Ermal, kështu vazhdo. Je më i miri. E bone Xing. Hallall”, ka qenë batuta e Bes Kallakut, që edhe pse në muaj mjalti në Maldive ndjek nga afër zhvillimet. Ndërkohë plot humor ja kthen edhe Mamaqi. “2 me 0 për ne. Jepi tani”, përfundon aktori i humorit.
Ndërsa thumbave të Ermalit nuk i ka shpëtuar as një tjetër e sapomartuar, Marina.
Ajo ka uruar çiftin për ardhjen në jetë të fëmijës së tyre të dytë. Por edhe Ermali nuk ka qëndruar pa i bërë asaj të njëjtin urim duke theksuar se tashmë sytë janë tek ajo. Mbetet për t’u parë Marina dhe Geti a do të bëhen së shpejti prindër.
Kaq shumë ngacmime nga ana e Ermalit…mbase dikush edhe do vihet në sedër. Pastaj Ermali ka edhe eksperiencë në prindërim, i duhet dëgjuar këshilla!
(E.K/SHUPLAKA)
