Astrit Patozi shpalli dje zyrtarisht kandidaturën për garën e kreut të PD-së. Kështu pas Eduard Selamit një tjetër kundërshtar i Bashës do të jetë përballë tij në 22 korrik.
E megjithatë Patozi në deklaratën e tij u shpreh dje se duhet të plotësohen një sërë kushtesh që gara të jetë e drejtë, duke filluar që nga dorëheqja e Bashës dhe jo ngrirja e funksioneve të tij.
Pavarësisht garës në profilin e tij në “Facebook” ai ka apeluar për një klimë të qetë dhe se PD-së nuk i duhet të humbasë asnjë njeri nga të vetët.
MESAZHI I PATOZIT:
ASKËND PËR TË HUMBUR, GJITHËKËND PËR TË FITUAR
Të nderuar miq,
Gjatë këtyre ditëve, e sidomos sot, kam marrë shumë mesazhe mbështetjeje. Në pamundësi për t’ju kthyer të gjithëve përgjigje, ju falenderoj nga zemra për inkurajimin.
Më vjen mirë që e mendoni si unë nevojën e madhe për ringritjen e Partisë Demokratike. Është e vetmja shtysë që më frymëzon mua dhe shumë kolegë të tjerë, të cilëve u jam shumë mirënjohës, në këtë përpjekje. Kam vetëm një thirrje për ju të gjithë:
Ky është një konkurrim brenda nesh, që ka vetëm një synim, garën e ndershme dhe bashkimin e Partisë Demokratike. NUK KEMI ASKËND PER TË HUMBUR, DHE DUHET TË MARRIM GJITHËKËND PËR TË FITUAR.
Me shumë respekt dhe konsideratë ASTRIT PATOZI
(E.K/SHUPLAKA)
Discussion about this post