Ish-deputeti i Partisë Demokratike Luçiano Boçi është shoqëruar në polici së bashku me disa persona të tjerë, pas përplasjes së ndodhur në Cërrik.
Gjatë ditës së sotme banorët e Cërrikut pritën me protesta kryeministrin Rama, ku mes tyre ka qenë edhe ish-deputeti Boçi. Mësohet se ish-deputeti është shoqëruar pas një konflikti me drejtorin e policisë së Elbasanit, Altin Qato dhe më pas është lënë i lirë.
Në videon e mëposhtme shihet se si Boçi tërhiqet zvarrë nga efektivët, të cilët e kanë dërguar drejt një furgoni policie.
Por pas shoqërimit, Boçi është shprehur gjatë një lidhje telefonike me Televizionin Fax News se tensionet nuk kanë qenë rastësore. Sipas tij ka patur përplasje fizike dhe kërcënime të drejtëpërdrejta për jetën, duke akuzuar Albert Nushin për sjellje brutale ndaj protestuesve.
“Ka pasur përplasje fizike madje dhe kërcënim të drejtëpërdrejtë për jetën. Sjellja Albert Nushit i cili ka dalë në përgjimet me Alfred Alizotin ka qënë brutale dhe e paprecedentë. Janë disa të shoqëruar nga protesta e Librazhdit. Pas ndalimit tim ndërhyrja ka qenë tepër brutale. Madje pas ndalimit tim është goditur kryetari i PD dhe ish-kryetari i komunës. Duket se targetimi ka qënë i qëllimshëm dhe provokimi i njerëzve nuk ka qënë rastësor. Ky i Alizotit është një njeri që e ka pasur të programuar ndërhyrjen e tij, natyrisht duke marrë urdhëra politik.
Madje ky rasti i Babales, është shprehur në sinqeritet e sipër se merr vetem urdhra politik”, u shpreh Boçi për Fax News.
Biseda telefonike me Luçiano Boçin
https://www.facebook.com/faxweb.al/videos/345402666181799/
Debati midis Boçit dhe drejtuesit të policisë:
Albert Nushi: Ta thashë që unë jam vetë me Saliun.
Luçiano Boçi: Vetëm me Saliun nuk je ti, prandaj jemi këtu ne të përballemi me njerëz si puna jote
Debati i Luçiano Boçit me drejtuesin e policisë.
Kujtojmë se pas takimit me qytetarët e Librazhdit, një takim i cili para se të niste u shoqërua me tensione pasi disa protestues tentuan ti bllokonin rrugën eskortës së Kryeministrit, Edi Rama është drejtuar drejt Njësisë Administrative Mollas në Cërrik .
Edhe atje Rama është pritur me protesta, të cilat janë shoqëruar me përplasje të qytetarëve me policinë (lexo këtu).
Për ngjarjen në ka nisur ka nisur edhe ‘reprezalja’ ku deri më tani janë thirrur në polici 6 protestues dhe përfaqësues të Partisë Demokratike në qarkun e Elbasanit midis tyre edhe kryetari i degës së Librazhdit, Bujar Vreto (lexo këtu).
(F.GJ/FAXWEB.AL)
