Nëpër media flitet se në seancën e parë plenare do të zhvillohet një protestë, kundër zgjedhjes së Gramoz Ruçit në krye të këtij institucioni. Kreu i Partisë Demokracia Sociale, Paskal Milo ndërsa ishte i ftuar në rubrikën “Opinion” në “Neës24”, e cilëson të habitshme dhe artificiale protestën që mund të zhvillohet.
“Më duket e habitshme dhe artificiale, nuk më ngjan se është në taban ky veprim opozitar për të kontestuar zgjedhjen e një njeriu me kaq përvojë parlamentare. Kush mund të vijë në krye të parlamentit shqiptar, nëse nuk do jetë një person me një përvojë të tillë? Duket e rëndomtë kjo lloj proteste ndaj zgjedhjes së Ruçit në postin e kryetarit të Kuvendit të Shqipërisë”, u shpreh Milo.
Më tej Milo tha se është me rëndësi që të respektohet institucioni i Parlamentit, dhe të mos kthehet në një arenë akuzash e përplasjesh. (D.D/Shuplaka)
