Kreu i Partisë Demokracia Sociale, Paskal Milo, i ftuar në emisionin “Studio e Hapur” të gazetares Eni Vasili, ka deklaruar se sot është për herë të parë optimist lidhur me vijimin e negociatave.
“Nuk kemi qenë optimistë, pasi palët nuk jepnin shenja për kompromis dhe vijon ende të ketë ndikimi faktori ndërkombëtar. Por këtë herë shanset janë rikthyer dhe të shpresojmë që sonte të ketë një marrëveshje. Unë jam optimist këtë herë, pasi palët politike janë tërhequr nga kërkesat e tyre ekstremiste.”, deklaroi Milo.
Ai gjithashtu shtoi se qëndrimi i Ramës për të mos i lëvizur zgjedhjet nga 18 qershori, është thjesht një taktikë e tija.
“Nga sa jam njohur unë nga informacionet Rama dhe PS i janë rikthyer paketës së Mcallister. Mendoj se këmbëngulja e Ramës për 18 qershorin është një qëndrim taktik i tij. Nuk mendoj se Rama do këmbëngulë për 18 qershorin nëse ka një marrëveshje. Unë mendoj se palët sonte duhet të bien dakord dhe shpresoj të bien dakord që të paktën zgjedhjet të bëhen në korrik.”, tha Milo. (D.D/Shuplaka)
Discussion about this post