Kreu I Partisë Demokracia Sociale, Paskal Milo, ka deklaruar në “NEWS 24” për rubrikën “Opinion” se anjëra nga partitë nuk do ia dalë e vetme të formojë qeverinë, por do ketë koalicione.
Sipas Milos janë 2-3 formula që mund të përdoren por kjo mbetet për t’u parë pas zgjedhjeve në varësi të rezultatit.
“Do ketë koalicione për qeverisjen e vendit, janë dy tre formula prej të cilave njëra do zgjidhet por kjo varet nga zgjedhjet.Pas zgjedhjeve do ketë qeveri koalicioni, asnjë parti nuk do ia dalë e vetme të formojë qeverinë”, u shpeh Milo.
Ai ka deklaruar gjithashtu se 2 partitë e mëdha, PD dhe PS do të marrin një rezultat zhgënjyes në këto zgjedhje.
Milo, gjithashtu komentoi edhe fushatën elektorale, ai tha se kjo fushatë është amorale për akuzat që shkëmbehen nga liderët, por sipas tij shqiptarët janë mësuar se ato që sgjë pa thënë për njëri-tjetrin, kur vjen puna tek pushteti bëhen bashkë.
“Pas zgjedhjeve, këta tre liderë, Meta, Basha dhe Rama do të ulen për të diskutuar formimin e qeverisë së re”, tha Milo.
(B.H/Shuplaka)
