Paskal Milo, i ftuar në “Arena” në “Ora News”, është shprehur se në vitin 2013, u krijua një grup prej 12 personalitetet për të hartuar një program të detajuar për institucionin shkencor.
Ai tha se qeveria nuk e mori parasysh asnjëherë raportin dhe më vonë u krijua një raport tjetër prej 36 faqesh nga një tjetër komision, ku 33 faqe ishin historik.
“Shkenca shqiptare ka qenë e neglizhuar, kjo nis që nga kuotat e financimit, pasi që të japi produktin e vetë ka nevojë për një buxhet të lartë. Kur në 2013, programi i PS kishte një paragraf të gjerë për mbështetjen që do t’i jepej institucionit të shkencës. Ndaj një grup prej 12 personalitetesh u bashkuam, bëmë 10 takime dhe hartuam një program shumë të detajuar. Komisioni zgjati 7 muaj punë intensive.
Si përfundim në 5 qershor 2014 doli raporti se si duhej të zbatohej reforma. Propozimi i parë ka qenë që sistemi të korrigjohej, duke pasur parasysh detyrat që duhet të ketë shkenca shqiptare. Shkenca nuk duhet të konceptohet si harxhuese e të mirave shtetërore, por nëpërmjet projekteve të merrte financime e të bënte të mira.
Ne propozuam krijimin e një institucioni qëndron politik-bërës për shkencën në tërësi, në varësi të Ministrisë ose Kryeministrisë. Kur e dorëzuam, ne pritëm një reagim nga qeveria, por nuk na erdhi asnjë përgjigje zyrtare.
Ne insistuam. Ndaj u vendos përsëri në lëvizje një komision tjetër i kërkimit shkencor, që bëri përsëri takime të tjera. Këto takime u zhvilluan në shtator 2016 deri në janar 2017. Dhe produkti i këtij të dyti, ishte një material prej 36 faqe, nga të cilat 33 faqe ishte historiku i dokumentacionit për shkencën.
Projekti ynë nuk u pranua se thuhej se kishte mangësi, të cilat nuk u artikuluan asnjëherë. Dhe ne nuk e morëm vesh, kush i futi shkopinj në rrota projektit të pare”, tha Milo.
(S.SH/Shuplaka)
Discussion about this post