Të gjithëve na la një shije jo të mirë incidenti që pati në distancë mes Adi Krastës dhe Luiz Ejllit.
I ftuar në emisionin “Dasara Radio Show” në Tema TV dhe MCN Radio, Luiz Ejlli ka folur ndër të tjera edhe për konfliktin që ndodhhi në festival.
Ai ka shpjeguar fillesat e ‘problemit’ mes tyre që në talent shoë-n “Ethet”, ku Luizi ishte konkurent dhe Adi prezantues.
Ejlli ka vijuar duke treguar se si Krasta nuk e ka përmendur emrin e tij gjatë prezantimit të këngës në asnjë prej netëve të festivalit.
‘’ Gjithçka ka nisur te ‘’Ethet e së Premtes” ku unë duhej që të merrja shpërblim për punën time dhe nuk e mora. Kam qenë i ftuar te Arjan Çani dhe i jam përgjigjur faktit së pagesës, që nuk e kasha marrë. Mediat e morën dhe e bënë lajm. Unë me të nuk kisha më komunikim dhe gjërat u ftohën”, u shpreh Ejlli.
“Mua nuk më shqetëson fakti që nuk ma tha emrin ai, sepse nuk është se prisja që të ma thoshte emrin ai që të më njihnin njerëzit…por përderisa prezantuesi ka një kontratë me festivalin, dhe po ta marrësh hollë-hollë këngëtarët janë festivali, jo dritat, kamera e skena… ndaj prezantuesi ka për detyrë t’i prezantojë këngëtarët”-ka theksuar artisti.
(E.K/FAXWEB)
Discussion about this post