Në gjithë vendin ditën e djeshme është zhvilluar aksioni “Pastrojmë Shqipërinë që duam”. Politikanë dhe punonjës të administratës kanë përkrahur nismën, duke dal vet në terren për të mbledhur mbeturina.
Ajo që bie në sy në fotot e publikuara është se politikanët i “përvishen” pastrimit të mbeturinave pa doreza. Pjesa më e madhe e politikave si Vangjush Dako, Milva Ekonomi, Fidel Ylli.
Më të kujdesshëm janë treguar politikanët të cilët kanë shoqëruar kryeministrin në qytetin e Lushnjes, si Erjon Braçe apo Arben Ahmetaj të cilët e kishin marrë shumë seriozisht pastrimin e vendit për vetëm një ditë.
Faqet zyrtare të bashkive në gjithë territorin e vendit kanë përcjellë nismën së bashku dhe me kontributin e politikanëve. Sipas zv. Ministres së Mjedisit Ornela Çuçi ajo tha se aksioni në të gjithë vendin do të vazhdojë për 6 muaj me radhë. Zëvendësministrja e Mjedisit, Ornela Çuçi pohoi se deri me tani kësaj nisme i janë bashkuar 100 mijë vullnetarë, ndërsa vetëm dje u pastruan 480 ton mbeturina. (M.Q/Faxweb)
Discussion about this post