Në Elbasan janë ndaluar nga policia dy persona pasi akuzohen për pastrim parash si edhe është shpallur në kërkim një person tjetër. Gjithashtu policia sekuestroi rreth 15.000.000 lekë.
DETAJE
Policia e Elbasanit ka ndaluar dy persona në vijim të Plan-Operacionit “VJESHTË 2017”, ku u bë sekuestro preventive me vlerë 15.000.000 Lekë.
Specialistët e Sektorit për Hetimin e Krimit Ekonomik e Financiar në Drejtorinë Vendore të Policisë Elbasan, në bashkëpunim me Prokurorinë Pranë Gjykatës së Shkallës së Parë Elbasan, në kuadër të një hetimi të ndjekur me metoda speciale të hetimit dhe në kuadër të intensifikimit të punës për zbatimin e Plan – Operacionit “VJESHTË 2017”, u bë ndalimi i shtetasve:
B.Koçiaj, 63 vjeç , banues në Elbasan
A.Koçiaj, 33 vjeç , banues në Elbasan.
Gjithashtu u bë shpallja në kërkim për shtetasit : I.K dhe O.D
Ndalimi i tyre u bë në zbatim të vendimit të datës 14.09.2017 të Gjykatës së Rrethit Gjyqësor Elbasan, e cila ka caktuar masën e sigurisë “Arrest me burg”, për veprën penale të “Pastrimit të produkteve të veprës penale ose veprimtarisë kriminale“, të kryer në bashkëpunim, më shumë se një herë dhe me pasoja të rënda”, parashikuar nga neni 287, pika 1, gërmat (a), (c), (d) dhe 2,3 të Kodit Penal.
Gjithashtu sot më datë 15.09.2017 u bë sekuestro preventive në vlerë të përafërt 15.000.000 lekë.
