Partia Demokratike ka reaguar përmes Genc Pollos lidhur me pasurimin e beftë të kreut të AMA-s, pasuri që sipas opozitës është vënë në vitin e parë të detyrës, pa pasur dijeni se sa është në vitin e dytë.
PD akuzon se pasuria e Gentian Salës në çift është 10-fishuar, pra nga 17 mijë euro është bërë 170 mijë euro. PD kërkon nga Inspektorati i Deklarimit të Pasurive të hetojë vënien e kësaj pasuroedhe nga kryeministri Edi Rama që të prononcohet lidhur me rastin konkret.
Deklarata e plotë e Partisë Demokratike:
Në radhët e rilindistëve ka plasur një epidemi e madhe pasurimi. Pasurim ekspotencial i papërputhshëm me të ardhurat e deklaruara dhe me sa duket i paligjshëm. Për komisionin e Edukimit dhe Medias, deputetë të shumtë të majtë e të djathtë ngritën shqetësimin e skandalit të fundit, kryetarit të AMA-s, Gentian Sala, i cili në cift ka të ardhura 17 mijë euro dhe për një vit në detyrë ka bërë 170 mijë euro, pra fiks 10 herë më shumë. Kjo gjë ka nevojë të sqarohet dhe ne nuk duam të ngrejmë akuza, por ne duam që kjo gjë cështje të hetohet. Dhe ne duam që IDKLP dhe Prokuroria ta hetojë, prandaj kërkuam që Komisioni si institucion t’i drejtohet IDKLP dhe Prokurorisë. Deputetët e PS ishin të vetmit që nuk e pranuan këtë kërkesë. Kjo është një cështje që do të diskutohet dhe në mbledhjen e nesërme. Ujnë shpresoj që ata të reflektojnë dhe nesër të firmosin kërkesën që, cështja e pasurisë të paligjshme të kryetarit të AMA-s Gentian Sala, të shqyrtohet.
Kisha edhe një kërkesë për zotin kryeministër, i cili u prononcua në një rast të ngjashëm, tha se nuk janë vënë këto pasuri gjatë ushtrimit të detyrës zyrtare, pavarësisht se numrat treguan probleme të tjera. Në rastin konkret, kjo pasuri është vënë në vitin e parë, ne nuk e dimë për vitin e dytë.
Dhe do i kërkoja zotit Rama të pronocohet dhe në këtë rast, sepse kjo pasuri është dhjetëfishuar vitin e parë në detyrë dhe, të shikojme se cfarë do të na nxjerrë viti i dytë.
(XH.A/SHUPLAKA)
Discussion about this post