Në fjalën e tij, deputeti i Partisë Demokratike, Astrit Patozi, ka renditur disa arsye pse ky vit ishte një vit i dështuar, megjithatë ka edhe një të mirë.
Ndër këto arsye, ai renditi kanabizimin e Shqipërisë, lirimin e Lulzim Berishës dhe koncesionet që Beqaj ka bërë në Shëndetësi. Patozi vuri theksin edhe tek heshtja që karakterizon zgjedhjet presidenciale në vend.
“Ky sigurisht ishte viti i reformës në drejtësi, i vetmi për çka mburret Rama. Çfarëdo që t’i thuash Ramës, ai kthehet tek reforma në drejtësi dhe Vettingu. Reforma në drejtësi nuk mund të shkojë paralelisht me kanabizimin e Shqipërisë, as me lirimin e Lulzim Berishës, as me tenderat dhe koncesionet e Ministrisë së Shëndetësisë.
Ndaj negociatat nuk u hapën. Ka dhe një arsye tjetër përse ishte vit i dështuar. Askush nuk flet për zgjedhjen e presidentit të ri, për të cilën nuk flitet aspak. Shkak është mazhoranca. Për aq kohë sa personazhet e politikës janë Lulzim Berisha, apo Elvis Rroshi. Ishte një vit i falimentimit spektakolar të këtij koalicioni. I shtohet marrëdhënia konfliktuale mes vëllezërve armiq. Ka një lajm shumë të mirë, që është viti i fundit për kryeministrin Rama. (XH.A/SHUPLAKA)
