Patozi: Ja cilat janë arsyet e dorëheqjes së Tahirit

Deputeti i Partisë Demokratike Astrit Patozi reagon pas shkarkimit të ministrit të brendshëm Saimir Tahiri. Sipas Patozit, të gjitha gjurmët e dorëheqjes së ministrit të çojnë në çadër, në çadrën e opozitës.

“Por sido që të përpiqen ta mbulojnë dhe ta fshehin të vërtetën, e kanë të pamundur, sepse të gjitha gjurmët të çojnë në çadër.

Që prej 18 shkurtit protesta e opozites është ‘përgjegjësja’ e vetme për të gjitha fitoret e qytetarëve shqiptarë, në kauzen e tyre për ‘Shqipërinë, nje vend normal’.”, shkruan Patozi.

REAGIMI I PLOTË I PATOZIT:

ÇADRA FITON EDHE KUR NUK BIE SHI

Çfarëdo që të thotë Saimir Tahiri në tekstin e dorëheqjes së tij, nuk ka ndonjë vlerë për të zbardhur të vërtetën e lëshimit të tij nga Edi Rama. Do të ketë shumë hamendje dhe teori konspiracioni, që do të vërshojnë në portale dhe gjetkë këto ditë, se jetojmë në Tiranë.

Por sado të mirëinformuara të jenë burimet, ato sërish do të mbeten të pamjaftueshme për ta shpjeguar dorëzimin e beftë të kryeministrit. Dikush do të thotë se është një ndërmjetësim i fortë ndërkombëtar me qitje të largët, ku përfshihet jo vetëm Shqipëria, por i gjithë rajoni. Ata që janë me me këmbë në tokë do ta lidhin thjesht me Ilir Metën, me raportin e acaruar të tij me Edi Ramën, gjithçka po ndodh.

Por sido që të përpiqen ta mbulojnë dhe ta fshehin të vërtetën, e kanë të pamundur, sepse të gjitha gjurmët të çojnë në çadër.

Që prej 18 shkurtit protesta e opozites është “përgjegjësja” e vetme për të gjitha fitoret e qytetarëve shqiptarë, në kauzen e tyre “për Shqipërinë, nje vend normal”. Sepse normaliteti i nje vendi nis me zgjedhjet e lira. Qe nga greva e Zharrezes, e deri tek doreheqja e Saimir Tahirit. Dhe nuk di pse Edi Rama sot me ngjan me ate qe bente autokritike ne kohen e diktatures, por shoket e Partise i thonin se duhet te thellohej akoma. Ndaj mos kerkoni te gjeni se cili eshte roli dhe efekti konkret i protestes ne zhvillimet e vrullshme, qe po ndodhin keto dite ne Shqiperi. Sepse per shkak te kauzes se madhe, qe perfaqeson, cadra fiton edhe kur nuk bie shi. (D.D/Shuplaka)