Ditën e djeshme një nga lajmet më inkurajuese në ditën e rinisë ishte padyshim fishkëllimi që iu bë kryeministrit nga një grup të rinjsh. Edhe pse vetë Rama u përpoq ta kalonte mes batutave, protesta e të rinjve mbetet.
Astrit Patozi ka sot një mesazh për kryeministrin, kur të fillojë muzika e bilbilave të gjej një shteg për të dalë nga pylli.
REAGIMI I PATOZIT:
MOS I TREGO BILBILIT PYLLIN
I dashur timonier,
Kërkoj ndjesë që e mora vesh me vonesë lajmin për fishkëllimat e djeshme në Pallatin e Sportit. Më falet, gjithësesi, dhe jam i justifikuar në një farë mënyre, se kam qenë i zënë me festimet e Ditës së Rinisë.
Por tani, që e pashë, një këshillë po ta jap. Kur të fillojë ajo lloj muzike, mos u mundo kot t’u tregosh bilbilave ku janë pemët, por përpiqu të gjesh një shteg për të dalë vetë nga pylli.
Se i bie se ka nisur që për ty të këndohet ajo kënga, që kishte interpretuar mbrëmë jo keq Ditmir Bushati “Pranvera filloi me ardhë, dhe bylbyli nis me knu…”
(E.K/FAXWEB)
Discussion about this post