Deputeti i Partisë Demokratike Astrit Patozi duke kërkuar falje për për shmangien nga rendi I ditës është ndalur të ligji për hapjen e dosjeve. Jo më larg se dje u çel puna e autoritetit për hapjen e dosjeve, po për Patozin ky proces dyhet të niste nga Parlamenti.
‘’Nuk prisja Mysine Kokalarin pavarësisht respektit për këtë figurë,por dosjet për 140 deputetët e parlametit. Hapja e dosjeve të këtij parlamenri do të dekurajonte dhe ata që kishin ndërmend të afroheshin në zgjedhjet e ardhshme.
Nuk ka ndryshuar qëndrimi im për ligjin e dosjes që nuk e kemi votuar, ky proces është shtypur në integritetin e vet. Me hapjen e dosjeve të parlamentarëve ne do të shërbenim si model dhe për institucionet e reja.
Ligji nuk e pengon që një ish-sigurims të qëndrojë në detyrë dhe kjo është një e metë e ligjit. Po të paktën ai do të dilte publikisht me fytyrën e tij të vërtetë. Bajlozët e mediave kanë 25 vite, që ashtu si politikanët kanë 25 vite që i shesin moral shqiptarëve ndërkohë që janë vetë të ndotur. Ftoj zotin Meta të ndërhyjë që ky ligj të aplikohet në Parlament’’, ka përfunduar Patozi.
