Në një deklaratë për mediat pas seancës plenare deputeti demokrat Astrit Patozi u shpreh se ai do të vijojë të jetë pjesë e PD-së pavarësisht se ka mbetur jashtë listave.
Patozi tha se Basha e ka gjetur dhe do ta lërë në Parti dhe se qëndrimi i tij nuk varet nga humori i Bashës.
“Nuk kam ardhur në këtë seancë të dorëzoj testamentin tim politik. Kush mendon që marrëdhënia ime me PD-në varet nga humori i Lulzim Bashës i kujtoj se ai më ka gjetur aty dhe do të më lërë po aty.
Unë në fushatë kam një rol më modest se herët e tjera, po me keqardhje mund të them që konstatoj se forca jonë politike nuk merret me kundërshtarët.
Unë ndiej vetëm keqardhje për këtë. Problemi kryesor për PD-në është fakti se qarkullon një legjendë për një koalicion mes PS-PD.
Dua të them nëse kjo javë e fundit nuk do ta ndajë PD-në nga kjo legjendë më duhet të them që kjo do të jetë vetëm përgjegjësi e zotit Basha. Shpresoj shumë që gjërat të ndryshojn”, u shpreh Patozi. (E.K/SHUPLAKA)
Discussion about this post