Republika e Kosovës është njohur nga një vend si e pavaruar. Madagaskari është shteti më i ri që e ka njohur pavarësinë e Republikës së Kosovës. Lajmin e ka bërë të ditur kryeministri i Kosovës, Ramush Haradinaj, gjatë Forumit Ekonomik të Diasporës Shqiptare që është duke u mbajtur në Prishtinë.
Edhe shefi I diplomacisë kosovare Behgjet Pacolli përmes një statusi në Facebook ka konfirmuar lajmin.
“Urime Kosovë!, faleminderit Madagaskar. Nga sot Kosova dhe Madagaskar kanë nga një mik më shumë. Falënderimet e mia më të sinqerta për popullin, Presidentin dhe Qeverinë e Madagaskar”, ka shkruar Pacolli.
Njohja është përshëndertur edhe nga presidenti Thaçi.
“Lajm i mrekullueshëm”, ka shkruar Thaçi në Twitter.
“Madagaskari njeh Kosovën si të pavarur. Republika jonë po konfirmohet pak e nga pak si një anëtar i padiskutueshëm i komunitetit ndërkombëtar”. (B.H/Faxweb)
Discussion about this post