Problemet e furnizimit me energji elektrike në Shqipëri nuk janë një lajm i ri. Megjithatë fakti se shërbimi i furnizimit me energji elektrike në vend është një nga më të këqijtë në botë, këtu ndryshon puna.
Gazetari Ilir Sinanaj, përmes një shkrimi sqaron se shërbimi i furnizimit me energji elektrike në vend jo vetëm është një nga më të këqijtë në botë, por gjithashtu edhe i dyti më i keqi në rajonin e Ballkanit Perëndimor
Sinanaj i referohet një studimi për shërbimin e furnizimit me energji elektrike të “Raportit të Konkurrueshmërisë Globale 2017-2018” të “Forumit Ekonomik Botëror”
Shqipëria renditet në vendin e 81-ta (nga 137) për sa i përket shërbimit me furnizim të energjisë elektrike. E thënë ndryshe Shqipëria është një nga vendet ku ndërprerja e energjisë elektrike është shumë e shpeshtë si edhe ka luhatje të tensionit.
Sipas sinanajt, këto të dhëna të “Forumit Ekonomik Botëror” ngrenë në pikëpyetje si investimet e ndërmarra në Shqipëri, për sa i përket sektorit të energjisë, ashtu edhe mënyrën sesi janë shpenzuar fondet për këtë sektor.
Për më tepër për shkak se Shqipëria zotëron mjaft burime jo vetëm për të mundësuar prodhimin e energjisë por edhe për ta eksportuar atë. (D.D/Shuplaka)
Discussion about this post