Pavarësisht lojës së mirë në ndeshjen e kaluar, Trepça ‘89 eliminohet turpshëm në shtëpi, tifozëria e zjarrtë në stadium nuk e ndihmon

Skuadra kosovare Trepça ’89 është eliminuar nga liga e kampionëve duke mos arritur të kalojë në turin e dytë.

Ekipi shqiptar i Kosovës, ka humbur turpshëm në shtëpi me rezultatin 1-4 përballë skuadrës Vikingur nga Ishujt Faroe.

Trepça kishte treguar një lojë të mirë javën e kalur edhe pse ishte mundur 2-1 në transfertë, por ka zhgënjyer në shtëpinë e saj në Kosovë.

Gjithçka u prish brenda 10 minutash në fundin e pjesës së parë të takimit që u luajt në stadiumin “Adem Jashari” në Mitrovicë, të tejmbushur nga një tifozeri e zjarrtë..

Kurtishaj mori dy kartonë të verdhë brenda tre minutash (31, 33) duke lënë skuadrën e tij me 10 lojtarë. Rivalët përfituan nga hutimi i skuadrës vendase për të shënuar me Angel dhe dyfishuar falë autogolit të Islamit, për të mbyllur pjesën e parë 2-0.

Ekipi mik përfitoi nga fakti që Trepça ’89 lëshoi shumë në lojën e saj, duke gjetur dy herë rrjetën me Vatnhamar, duke çuar shifrat në 4-0, para se Hasani të realizonte golin e ngushëllimit. (B.H/Shuplaka)