Sekretarja për Marrëdhëniet me Publikun në PD, Grida Duma, akuzon kryetarin e Bashkisë së Tiranës Erion Veliaj slidhur me vizitën me avion charter të kryer më 16 janar në Paris.
Sipas zyrtares së selisë blu, Veliaj i fshihet charterit të dy ditëve më parë, nuk bën transparencë dhe mundohet të hedhë mjegull duke përmendur një fluturim tjetër.
Sipas PD, udhëtimi me charter i kryebashkiakut kushton 60-70 mijë euro.
Deklarata e plotë e Grida Dumës:
Erjon Veliaj thelloi skandalin e fluturimit me charter dy ditë më parë, duke mos bërë transparencë, por duke mashtruar publikisht. Ne e pyetëm sot në mesditë për motivin e vizitës me charter në Paris, me datën 16 Janar, dhe i kërkuam të sqaronte se kush është biznesmeni që ka paguar këtë fluturim luksoz, dhe a ka ai interesa në bashkinë e Tiranës.
Veliaj përgjigjet duke përmendur vizitën që ka bërë me 17 janar, në Itali, pra vizitën që ka bërë dje. Kështu, ai e thellon skandalin, sepse i fshihet charterit të dy ditëve më parë, nuk bën transparencë dhe mundohet të hedhë mjegull duke përmendur një fluturim tjetër, të një dite më parë.
Dy ditë më parë, të hënën, në orën 9:20 të mëngjesit është ulur në Rinas një avion charter i kompanisë AVCON-JET. 40 minuta më pas, ky avion është rinisur për në Paris, dhe në bord ishin 3 pilotë, Erjon Veliaj, Arbër Mazniku, Juli Dhamo dhe biznesmeni që erdhi, i mori e i shoqëroi në Paris, Artan Sheqeri.
Përse Erjon Veliaj e mohon këtë udhëtim?
Pse fluturon me charter për në Paris me kosto të paktën 60-70 mijë euro?
Cila është urgjenca e një kryetari bashkie për të shkuar në Paris me charter?
A e pagoi biznesmeni Sheqeri këtë udhëtim?
Cfarë interesash ka biznesmeni Sheqeri me bashkinë?
A është i lidhur biznesmeni i charterit me biznesin e plehrave ku u vra Ardit Gjoklaj? (A.R/SHUPLAKA)
Discussion about this post