Partia Demokratike ka akuzuar Akademinë e Shkencave se po përpiqet të kapë institucionet e drejtësisë duke tentuar emërimin e njerëzve të tij në Komisionin Ad Hoc, komision që do të bëjë përzgjedhjen e kandidatëve për KLGJ dhe KLP.
Përmes Enkelejd Alibeajt, opozita akuzon kryeministrin se Kryesia e Akademisë ka propozuar kandidaturat pa bërë asnjë mbledhje apo konsultë me akadamikët, duke cenuar haptazi fshehtësinë e votës.
Por falë integritetit të akademikëve janë rrëzuar, Alibeaj shprehet se këto kandidatura janë rrëzuar.
Deklarata e plotë e Enkelejd Alibeajt:
Edi Rama ka kryer një tjetër hap drejt kapjes së institucioneve të drejtësisë, duke tentuar të emërojë njerëzit e tij, edhe përmes presionit ndaj Akademisë së Shkencave të Shqipërisë.
Akademia e Shkencave ka të drejtën të zgjedhë dy anëtarë në Komisionin Ad Hoc, që do të bëjë përzgjedhjen e kandidatëve për anëtare të KLGJ dhe KLP.
Kryesia e Akademisë nën presionin e Edi Ramës, pa bërë asnjë mbledhje apo konsultë me akadamikët, ka propozuar kandidaturat, dhe ka kërkuar konfirmim me email për emrat, duke cenuar haptazi fshehtësinë e votës.
Kjo procedure është kundërshtuar nga pjesa derrmuese e akadamikeve, të cilët e kanë konsideruar procesin të kontrolluar dhe jodemokratik.
Këto kandidatura të Edi Ramës, falë integritetit të akademikëve janë rrëzuar.
Rezistenca e akademikeve e ndali Edi Ramen në revanshin për të kontrolluar strukturen e krijuar prej tij me ligj, pikërisht për të kapur procesin e zgjedhjes së anëtarëve të KLGJ dhe KLP.
Vetë ekzistenca e kësaj strukture është e papranueshme e bërë enkas nga Edi Rama për të kapur drejtësinë.
Partia Demokratike e ka kundërshtuar këtë në Gjykatën Kushtetuese dhe ne shpresojmë që kjo cështje të trajtohet sa më shpejt dhe në shërbim të drejtësisë së pavarur, e jo drejtësisë së kapur nga Edi Rama.
(XH.A/SHUPLAKA)
Discussion about this post