Partia Demokratike ka dalë në një konferencë për mediat ku kryetari Lulzim Basha, dhe grupi i 3 zyrtarëve që denoncojnë prej ditësh pritet të publikojnë materiale të reja për dosjen Xhafaj.
I pari që ka folur është kryetari Lulzim Basha, i cili ka thënë se vëllai i ministrit është përcjellë me nderime në Itali.
Basha ka thënë se përgjimi i publikuar më herët nga PD është autentik, dhe se Rama është në dijeni.
Basha tha se dëshmitari po kërcënohet nga prokuroria dhe policia.
“Që prej publikimit të aferës tronditëse, Rama_Xhafaj në bashkëpunim me prokurorinë e kapur dhe njerëz të krimit të organizuar kanë vënë në lëvizje një skenar: Moho, kap, likujdo dëshmitarin. Shkatërro provat, kërcëno opozitën.
Ky skenar ka dy qëllime: Mbrojtjen e Agron Xhafës, shpëtimin e Fatmir Xhafës, duke mos e larguar nga posti i ministrit të Brendshëm. As nuk është arrestuar, as nuk është ndaluar. Ai vazhdon trafikun e drogës. Agron Xhafaj u përcoll me nderime policore në Itali, por jo për vuajtjen e dënimit, por për të krijuar alibinë sepse policia Xhafaj dhe Prokuroria e Ramës nuk e procedojnë dot penalisht për trafikun e drogës. Në çdo shtet sadopak normal, policia Xhafaj dhe prokuroria Marku po ushtrojnë presion tek dëshmitari dhe familja e tij. Duan të shkatërrojnë provat. Presioni shtetëror dhe mafioz është prova më e qartë se vendi është kapur nga mafia.”-ka thënë Basha.
(F.G/Faxweb.al)
Discussion about this post